Shahlo Zoirova: "Pul men uchun oxirgi o‘rinda"

Taniqli aktrisa va iste’dodli ijodkor Shahlo Zoirova yaqin kunlarda o‘zining pul hamda hayotiy qadriyatlar haqidagi samimiy fikrlari bilan muxlislar e’tiborini tortdi. Bu haqda Zamin.uz xabar berdi.

Aktrisaning so‘zlariga ko‘ra, uning hayotida moddiy boylik hech qachon birinchi o‘ringa chiqmagan. "Men uchun pul eng oxirgi o‘rinda turadi", — deydi Shahlo Zoirova.

U hayotning asosiy ne’matlari sifatida sog‘lik, tinchlik va hotirjamlikni ajratib ko‘rsatdi. Aktrisaga ko‘ra, aynan shu omillar insonni baxtli va bardavom qiladi.

Shahlo Zoirova o‘z so‘zlarida turmush o‘rtog‘iga bo‘lgan chuqur minnatdorligini ham izhor etdi. Ularning birga hayot kechirayotganiga 13 yil bo‘lganini ta’kidlagan aktrisa, bu davr mobaynida turmush o‘rtog‘i uni har qanday vaziyatda qo‘llab-quvvatlab kelganini alohida qayd etdi.

"Qaysi holatda bo‘lmay, ular doim yonimda bo‘lib, ‘sen qilayotgan ishing to‘g‘ri, sen kuchli ayolsan’ deb dalda berishgan. Buning uchun ularga mingdan-ming rahmat", — deydi Shahlo Zoirova.

Aktrisa bugungi kunda erishgan barcha yutuqlarini oiladagi o‘zaro tushunish, tayanch va qo‘llab-quvvatlash bilan bog‘laydi. "Ollohga shukr, xo‘jayinimning ishonchi va yordami bilan bugungi darajaga yetib keldim", — deya so‘zlarini yakunladi Shahlo Zoirova.