Zarina Yuldasheva: “Bu suratda men emasman”

Aktrisa Zarina Yuldasheva yaqinda ijtimoiy tarmoqlarda tarqalgan ochiq kiyimdagi surati yuzasidan izoh berdi. Bu haqda Zamin.uz xabar berdi.

Uning so‘zlariga ko‘ra, mazkur surat sun’iy intellekt texnologiyasi yordamida yaratilgan bo‘lib, u bilan hech qanday aloqasi yo‘q. “Hurmatli kuzatuvchilar, iltimos, vaziyatni to‘g‘ri baholang.

Bu suratda men emasman. Hozirgi kunda sun’iy intellekt yordamida turli dasturlar orqali shunday montajlar qilish mumkin.

Rasmlarga yoki videolarga har qanday insonning yuzini qo‘yib, uni asl shaxsdek ko‘rsatish oson. Shuning uchun bunday yolg‘on xabarlarga ishonmanglar,” — dedi aktrisa.

Shuningdek, Zarina Yuldasheva texnologiyaning rivojlanishi sababli bunday holatlar ko‘proq uchrayotganini ta’kidladi. “Bu kabi montajlar tufayli asossiz muhokamalar paydo bo‘lmoqda.

Ba’zi odamlar hatto ‘Zarina bitta shunday kiyimni kiymagan edi’ deb gap tarqatishgan. Biz rivojlangan zamonda yashayapmiz, bunday noto‘g‘ri ma’lumotlarga ishonish va tarqatishdan ehtiyot bo‘lish zarur,” — deya qo‘shimcha qildi u.

Aktrisa, shuningdek, yolg‘on xabarlar tarqatayotganlarga nisbatan hushyor bo‘lishni va bunday axborotlarni tarqatmaslikni so‘radi.