Tom Kruz “Yulduzlar jangi” filmida kamerani boshqardi
Aktyor Tom Kruz rejissyor Shon Levi ishlayotgan “Yulduzlar jangi: Yulduzli qiruvchi” filmining suratga olish jarayonida ishtirok etdi. Bu haqda Zamin.uz xabar berdi.
U suratga olish maydonchasiga tashrif buyurib, yorug‘lik qilichlari bilan bo‘ladigan jang sahnasini tasvirga olishda kamerani shaxsan boshqargan. Bu haqda kursiv.uz xabar berdi.
Rejissyor Shon Levi ushbu holatni hazil bilan izohlab, shunday dedi: “O‘tgan hafta bu yerda Stiven Spilberg bo‘lgan edi. Endi esa Tom Kruz kamerani boshqarib, juda yaxshi tuflilarini buzayapti”.
Tom Kruzning tashrifi film syujeti bo‘yicha ayrim ma’lumotlarni ham ochiqladi. Dastlab loyiha jedaylarga bog‘liq bo‘lmagan uchuvchilar haqidagi hikoya sifatida rejalashtirilgan edi.
Ammo endilikda filmda yorug‘lik qilichlari jangiga oid sahnalar mavjudligi ma’lum bo‘ldi. Filmda Rayan Gosling, Mett Smit va Mia Got kabi mashhur aktyorlar rol ijro etadi.
“Yulduzlar jangi: Yulduzli qiruvchi” kartinasining premyerasi 2027 yil 28 may kuni bo‘lib o‘tishi rejalashtirilgan.
