Dilnoza Kubayeva kelin-qaynona munosabatlari haqida gapirdi
Aktrisa Dilnoza Kubayeva kelajakda qanday qaynona bo‘lishi mumkinligi haqida o‘z fikrlarini bildirdi. Bu haqda Zamin.uz xabar berdi.
U oilaviy munosabatlar va kelin-qaynona masalalari borasida o‘ziga xos qarashlarga ega ekanligini ta’kidladi. Uning so‘zlariga ko‘ra, bugungi kunda ko‘plab oilalarda turli xil qarashlar mavjud va u ko‘proq alohida yashash tarafdori ekanligini aytib o‘tdi.
“Biz bugungi kunda erkinlikni xohlaymiz, oilalar o‘zlari mustaqil va farovon yashashsin,” deydi aktrisa. Shu bilan birga, u ichki o‘ylarini ham yashirib o‘tirmadi.
“Avvalgi qadriyatlar hamon yodimda. Qaynanali kelin – qarqara kelin, qaynonasiz kelin – masxara kelin, degan gaplar bor edi.
Bu gaplar qayerda qoldi, deb ham o‘ylab qolaman,” deydi u. Dilnoza Kubayeva kelajakda keliniga nisbatan qanday munosabatda bo‘lishi haqida ham fikr yuritdi.
“Ehtimol, kelinimni haddan tashqari erkalatib yuborarman. Ammo oilaviy munosabatlarda hurmat va ehtiyotkorlikni asosan birinchi o‘ringa qo‘yaman,” deydi aktrisa.
Uning fikricha, hurmat va erkinlik oilaning mustahkamligi uchun bir-birini to‘ldiruvchi asosiy omillardir.
