Shahzoda Muhammedova Dubaydan Makkaga ziyorat qildi
Yil boshida taniqli dizayner va aktrisa Shahzoda Muhammedova o‘zining ijtimoiy tarmoqlardagi sahifasida kutilmagan bir voqeani bo‘lishdi. Bu haqda Zamin.uz xabar berdi.
U qishki ta’tilni Dubay shahrida farzandlari bilan o‘tkazayotgan paytida, to‘satdan Makka shahriga ziyoratga borishga qaror qilganini ma’lum qildi. Shahzoda farzandlarini ishonchli kishilarga topshirib, ikki soatlik yo‘lni bosib, Makka shahriga yetib borganini aytib o‘tdi.
Shahzodaning so‘zlariga ko‘ra, Dubayda yashovchilar uchun Makka va Madinaga ziyorat qilish juda qulay, chunki bu shaharlar yaqin masofada joylashgan. Bu esa har bir musulmon uchun qadrli va unutilmas ruhiy tajriba bo‘lishi mumkin.
O‘z taassurotlari bilan bo‘lishar ekan, Shahzoda Muhammedova barcha musulmonlarga murojaat qilib, shunday dedi: “Agar Alloh nasib qilsa va Dubayga kelish imkoniyatingiz bo‘lsa, albatta Makka va Madinaga ziyorat qiling. Eng muhimi – Allohning chaqirig‘i bo‘lsin!” Shahzodaning bu safaridan nafaqat oilaviy ta’til mazmunli o‘tgan, balki u ruhiy to‘lish va Alloh yo‘liga yaqinlashish imkonini ham topgan.
