Shohruhxon "O‘yin kulgi" qo‘shig‘i bilan qaytmoqda
O‘zbek estradasining taniqli va ijodkor xonandalaridan biri Shohruhxon o‘z muxlislarini yangi loyihasi bilan quvontirishni davom ettirmoqda. Bu haqda Zamin.uz xabar berdi.
Xonanda ijtimoiy tarmoqlarda yangi qo‘shiq va klip ustida ish olib borayotganini ma’lum qilib, qisqa, ammo diqqatga sazovor izoh qoldirdi: “Qo‘shiq yangi”. Ushbu ikki so‘zning o‘zi muxlislar orasida katta qiziqish uyg‘otdi.
Yangi tarona “O‘yin kulgi” deb nomlangan bo‘lib, uning yengil va zavqli kayfiyatda bo‘lishi kutilmoqda. Qo‘shiq uchun suratga olinayotgan klip ham o‘ziga xosligi bilan ajralib turadi.
Ijodiy jamoa bu safar tomoshabinni hayratda qoldiradigan noyob vizual yechimlar va noodatiy sahnalar ustida ishlayotgani haqida ma’lumot berilgan. Hozircha klipning premyera sanasi aniqlashtirilmagan.
Biroq tayyorgarlik jarayonining qizg‘in ketayotgani va loyiha yakunlanish arafasida ekani aytilmoqda. Muxlislar Shohruhxonning navbatdagi ijod namunasi qanday bo‘lishini intiqlik bilan kutmoqda.
