Yulduz Turdiyeva qizining ikki yoshini nishonladi
O‘zbek estradasining mashhur xonandalaridan biri Yulduz Turdiyeva uchun joriy yilning 13-yanvar sanasi alohida ahamiyat kasb etdi. Bu haqda Zamin.uz xabar berdi.
Sababi, ushbu kuni uning qizi Mehribon ikki yoshga to‘ldi. Shu munosabat bilan xonanda o‘zining ijtimoiy tarmoqlardagi sahifasida qizalog‘iga samimiy tilaklar va duolar bilan murojaat qildi.
Yulduz Turdiyeva o‘z postida quyidagicha izhor qildi: "Mehribon qizimiz bugun ikki yoshga to‘ldi. Alhamdulillah.
Farzandlarimizning baxtu kamolini ko‘rishlik barchamizga nasib qilsin, ilohim. MashaAllah deb qo‘ying." Xonandaning ushbu so‘zlari minglab muxlislar tomonidan iliq kutib olindi.
Ijtimoiy tarmoqlarda Mehribon uchun bildirilgan samimiy tabriklar, ezgu tilaklar va duolar ko‘plab izohlar qoldirilishiga sabab bo‘ldi. Ko‘pchilik kichkina Mehribonga sog‘lom, baxtli va nurli kelajak tilab, Yulduz Turdiyeva va uning oilasiga eng yaxshi tilaklarni yo‘lladi.
