Feruza Jumaniyozova: 18 yil oilamga bag‘ishladim
O‘zbek estradasining mashhur xonandalaridan biri Feruza Jumaniyozova ijoddagi uzoq tanaffus yillari haqida ochiq fikr bildirdi. Bu haqda Zamin.uz xabar berdi.
U 18 yil davomida sahnadan chetda bo‘lganini va bu vaqtni to‘liq oilaviy hayotga bag‘ishlaganini ta’kidladi. Feruza Jumaniyozova o‘z intervyusida shunday deydi: "Tanaffus davrida faqat yeb-ichdim, sayohat qildim, bolam bilan shug‘ullandim.
Onam bilan vaqt o‘tkazdim, uy bekasi sifatida yashadim. Bu yillar davomida ijodiy faoliyatga deyarli qaytmaganman, qo‘shiq aytmaganman.
Faqat ba’zan to‘ylar uchun bir-ikkita qo‘shiq tayyorlab, o‘sha eski qo‘shiqlarimni kuylab yurganman. To‘ylarda qo‘shiq aytish men uchun odatiy holga aylangan edi." Xonandaning so‘zlariga ko‘ra, u bu davrda asosan oila a’zolari bilan vaqt o‘tkazishga e’tibor qaratgan.
U qo‘shiqchilik faoliyatidan vaqtincha chekinib, oddiy hayotning zavqini his qilganini ta’kidladi. Feruza Jumaniyozova bu yillarni oila va yaqinlariga bag‘ishlagan bo‘lishidan mamnun ekanini bildirib, o‘z hayotidan qoniqish hosil qilganini qayd etdi.
