Nilufar Usmonova turmush qurish takliflariga munosabat bildirdi

Nilufar Usmonova turmush qurish takliflariga qanday munosabatda bo‘lishi haqida o‘z fikrlarini bildirdi. Bu haqda Zamin.uz xabar berdi.

Xonandaning aytishicha, unga turli xil takliflar kelib turadi va u bu vaziyatlarda insonning e’tibori va muhabbatini qadrlashga harakat qiladi. “Rahmat, qabul qildim, deyman.

Chunki bir insonning e’tibori va muhabbatini yerga urishga haqqim yo‘q”, dedi u. Shuningdek, Nilufar Usmonova ayrimlar uning ajrashganini eslatib, unga turmush qurishni taklif qilishlarini, boshqalar esa turmush qurmasdan birga yashash kabi takliflarni ham bildirishlarini aytib o‘tdi.

“Har xil takliflar bo‘ladi. Lekin men o‘zimning hayotimda juda baxtliman”, dedi xonanda.

U hayotidagi qarorlariga sodiq qolishini ta’kidladi. Shuningdek, yaqinlari uchun doimo duo qilishini aytib: “Allohim, bevaqt o‘lim berma.

Hayotimdagi insonlarning umrini ziyoda qilgin”, deb duo qilishini bildirdi. Nilufar Usmonova baxtni yaqinlari bilan vaqt o‘tkazishda, bir-biriga ko‘rsatiladigan mehr va e’tiborda ko‘rishini qo‘shimcha qildi.

U, shuningdek, omma orasida “Yulduzning qizi” sifatida tanilishi borasida onasining nasihatlarini ham eslab o‘tdi: “Oyim aytadi: Agar mening obro‘yim bilan kibrlansang, joyingni ko‘rsataman”, deb aytgan gaplarini eslatdi. Xonanda onasining o‘gitlariga hamisha amal qilishga harakat qilishini ta’kidladi.