“Oskar-2024” nomzodlari e’lon qilindi: yetakchi filmlar ma’lum
Los-Anjelesda Amerika Kinoakademiyasining nufuzli “Oskar” mukofoti uchun nomzodlar ro‘yxati e’lon qilindi. Bu haqda Zamin.uz xabar berdi.
Bu yil eng ko‘p nominatsiya olgan film Rayan Kugler tomonidan suratga olingan “Gunohkorlar” bo‘lib, u 16 ta yo‘nalishda taqdim etilgan. Ikkinchi o‘rinda esa Pol Tomas Andersonning “Jangma-jang” filmi 13 ta nominatsiya bilan qayd etilgan.
“Eng yaxshi film” nominatsiyasida bir nechta kuchli kartinalar bellashmoqda. Jumladan, “Gunohkorlar”, “Jangma-jang”, “Bugoniya”, “Hamnet” va “Frankenshteyn” kabi filmlar sovrin uchun kurash olib boradi.
Aktyorlar va aktrisalar o‘rtasidagi raqobat ham keskin. “Eng yaxshi aktyor” nominatsiyasida Leonardo DiKaprio (“Jangma-jang”), Maykl B.
Jordan (“Gunohkorlar”), Timoti Shalame (“Ajoyib Marti”) kabi mashhur aktyorlar ishtirok etmoqda. “Eng yaxshi aktrisa” bo‘lish uchun esa Rouz Birn, Emma Stoun, Jessi Bakli va boshqa taniqli aktrisalar bellashadi.
Rejissyorlar orasida Pol Tomas Anderson, Xloi Chjao, Rayan Kugler kabi nomlar “Eng yaxshi rejissyor” unvoni uchun kurashmoqda. Shuningdek, animatsion filmlar yo‘nalishida ham bir nechta loyihalar, jumladan, “Arko” va “Hayvonlar shahri-2” e’tirofga loyiq ko‘rilgan.
“Oskar” mukofotini topshirish marosimi 15 mart kuni bo‘lib o‘tadi. Ushbu tadbirda qaysi film va ijodkorlar g‘olib bo‘lishi barchaning e’tibor markazida bo‘ladi.
