Rayhon Munisa haqida: "Har kimning o‘z yo‘li bor"
Xonanda Rayhon G‘aniyeva "IntervyuTV" ko‘rsatuvining navbatdagi sonida mehmon bo‘ldi. Bu haqda Zamin.uz xabar berdi.
Suhbat davomida boshlovchi undan: "Xonanda Munisa Rizayevaning qo‘shiqlarini tinglaysizmi, so‘nggi qo‘shig‘ini eshitdingizmi?" — deb so‘radi. Rayhon ushbu savolga biroz o‘ylanib javob berdi: — Rostini aytsam, Munisaning oxirgi qo‘shig‘ini hali eshitmadim.
Uni qandaydir ma’noda to‘liq tushunmadim. U juda hissiyotga beriladigan, emotsional odam.
Balki shuning uchun shunday qilgandir. Shuningdek, xonanda har bir insonning hayot yo‘li o‘ziga xos ekanini ta’kidladi: — Mening o‘z yo‘lim bor, uning ham o‘z yo‘li bor.
Mening o‘z oilam bor, uning ham o‘z oilasi bor. Muhimi, har ikkisi ham baxtli bo‘lsin.
Men ularga faqatgina baxt tilayman, — dedi Rayhon. Xonandaning ushbu samimiy va mulohazali javobi tomoshabinlar tomonidan iliq qarshi olindi.
