Xonzoda Kambarova turmush qurishini e’lon qildi
Aktrisa Xonzoda Kambarova yaqinda turmush qurishi haqida ma’lum qildi. Bu haqda Zamin.uz xabar berdi.
U “Nima ovqat” ko‘rsatuvining navbatdagi sonida mehmon bo‘lib, tomoshabinlarga bu xushxabarni yetkazdi. Ko‘rsatuv davomida boshlovchi aktrisaga: “Hozir o‘zingizni baxtli his qilyapsizmi?
Agar 100 foizdan baholasa, necha foiz baxtlisiz?” — degan savolni berdi. Xonzoda esa bu savolga samimiy javob qaytarib: “Ha, albatta, baxtliman.
100 foiz emas, 1000 foiz baxtliman. Nega baxtli bo‘lmay?!
Yeganim oldimda, yemaganim orqamda. Farzandlarim yonimda, sog‘-salomat.
Eng muhimi, yaqin kunlarda turmushga chiqaman”, — dedi. Boshlovchi ushbu javobdan so‘ng qiziqib: “Rostdanmi?
Yigitingiz bormi? Bo‘lajak turmush o‘rtog‘ingiz haqida bir oz ma’lumot bersangiz,” — deya so‘radi.
Xonzoda bu savolga ham ochiqchasiga javob berdi: “Ha, rost. Sovchilar kelgan, hammasi bo‘lgan.
Bo‘lajak turmush o‘rtog‘im internetni ham, san’atni ham yoqtirmaydi. Hatto aktrisaligimga ham qarshi.
Hammasidan voz kechsangiz ham roziman, deyapti,” — dedi. Aktrisaning ushbu xushxabari tomoshabinlarni xursand qildi.
Ijtimoiy tarmoqlarda ko‘plab muxlislar unga baxt va omad tilab, iliq fikrlar qoldirishdi.
