Feruza Yusupova tug‘ilgan kunini samimiy nishonladi
Mashhur aktrisa Feruza Yusupova o‘z tug‘ilgan kunini yaqinlari davrasida nishonladi. Bu haqda Zamin.uz xabar berdi.
U ijtimoiy tarmoqlarda ushbu kunga oid videolarni o‘z muxlislari bilan bo‘lishdi. Videolardan birida aktrisaning turmush o‘rtog‘i qo‘lida chiroyli guldasta bilan xonaga kirib kelgani ko‘rinadi.
U nafaqat rafiqasini, balki qizi uchun ham alohida gul sovg‘a qilgani e’tiborni tortdi. Bundan tashqari, turmush o‘rtog‘i Feruza Yusupovaga taqinchoqlar to‘plamini sovg‘a qildi.
Ushbu kutilmagan sovg‘a aktrisaning yuzida quvonch va hayrat uyg‘otgani videoda yaqqol seziladi. Feruza Yusupova ushbu quvonchli lahzalarni o‘z sahifasida muxlislari bilan baham ko‘rdi.
Izohlarda muxlislar aktrisaga samimiy tilaklar yo‘llab, uning baxtiga sherik bo‘lishdi.
