Manzura 48 yoshini yaqinlari bilan nishonladi

Xonanda Manzura 21-fevral kuni 48 yoshga to‘ldi. Bu haqda Zamin.uz xabar berdi.

U ushbu quvonchli sanani oila a’zolari, turmush o‘rtog‘i va yaqin do‘stlari davrasida nishonladi. Bayram tadbiridan lavhalar xonandaning Instagram sahifasida e’lon qilindi va qisqa vaqt ichida muxlislar e’tiboriga tushdi.

Manzura ushbu kecha haqidagi taassurotlarini shunday ifoda etdi: "Ajoyib kecha... O‘zbekistonimda yaqinlarim davrasida shukrona kunimni o‘tkazdik.

Dildoraning talabiga binoan “Kelin salom”ni Munojatjon ijrosida tingladik". Bayram tadbiri milliy an’analar va samimiy lahzalar bilan o‘tgan bo‘lib, ishtirokchilarga iliq taassurot qoldirdi.

Xonandaning muxlislari ijtimoiy tarmoqlarda unga sog‘liq, baxt va ijodiy muvaffaqiyatlar tilab, iliq izohlar yozdilar.