Tohir Sodiqov: "Oila – muhabbat va sodiqlik asosidir"

Tohir Sodiqov – o‘zbek estradasining taniqli vakillaridan biri, musiqachi, bastakor, aktyor va “Bolalar” guruhi solisti sifatida ko‘pchilikka yaxshi tanish. Bu haqda Zamin.uz xabar berdi.

U O‘zbekistonda xizmat ko‘rsatgan artist unvoniga ega bo‘lib, “Nihol” mukofoti hamda “Tarona” kabi nufuzli sovrinlarni qo‘lga kiritgan. Yaqinda san’atkor intervyulardan birida oilasining mustahkamligi haqida fikr bildirdi.

U oila masalasida qat’iy qarashlarga ega ekanligini ta’kidladi. Xonandaning so‘zlariga ko‘ra, oilaning barqaror bo‘lishi uchun mas’uliyat va sodiqlik muhim ahamiyatga ega.

“Bir ishni boshlagan bo‘lsang, albatta, uni oxirigacha yetkazish kerak. Erkak kishi uchun ayol bitta bo‘lishi lozim.

U eng yaxshi ko‘rgan, jonajon insoni va oilaning haqiqiy bekasi bo‘lishi shart,” – dedi Tohir Sodiqov. San’atkorning ta’kidlashicha, oila muqaddas tushuncha bo‘lib, unda muhabbat, ishonch va barqarorlik asosiy o‘rin tutadi.

Uning fikricha, aynan shu qadriyatlar baxtli hayotning asosi hisoblanadi.