Yulduz Turdiyeva: Farzandlarim san’atni tanlashini istamayman
Xonanda Yulduz Turdiyeva o‘z farzandlarining kelajakda san’at yo‘lini tanlashini unchalik istamasligini ma’lum qildi. Bu haqda Zamin.uz xabar berdi.
Unga ko‘ra, katta o‘g‘li yaqinda 17 yoshga to‘lgan va vaqti-vaqti bilan gitara chalishni o‘rganmoqda. Xonanda o‘g‘li bilan bo‘lgan suhbatini eslab, quyidagi voqeani hikoya qildi: — "Mehroj, san’atga qiziqishing bormi?" — deb so‘radim.
O‘g‘lim esa: "Oyi, bir bastakor yangi qo‘shiq chiqargan ekan, o‘sha qo‘shiqni men aytsam bo‘ladimi? Juda yoqdi", — dedi.
Shunda men: "Xo‘p, avval menga aytib ber-chi", — dedim. Ammo u: "Yo‘q, oyi, sizdan uyalaman", — deb javob berdi.
Yulduz Turdiyeva shuningdek, farzandlari tanlagan yo‘llariga qat’iy taqiq qo‘ymasligini ham ta’kidladi. Ularning haqiqatan ham san’atga iste’dodi bo‘lsa va bu borada o‘zlarini ko‘rsata olsalar, qarshilik qilmasligini aytdi.
— Agar farzandlarim chindan ham iqtidorli bo‘lsa, ularni bu yo‘ldan to‘xtatmayman. Chunki san’at insonning ichki ehtiyoji, uni majburan tark etishning iloji yo‘q.
Aks holda inson ruhiy jihatdan qiynalishi mumkin, — deya qo‘shimcha qildi xonanda.
