Yulduz Usmonova va Malikdan yangi duet – “Pomada”
O‘zbekiston xalq artisti Yulduz Usmonova va xonanda Malikning birgalikda kuylagan yangi “Pomada” nomli qo‘shig‘i taqdim etildi. Bu haqda Zamin.uz xabar berdi.
Ushbu qo‘shiq ijtimoiy tarmoqlarda tezda ommalashib, ko‘plab muhokamalarga sabab bo‘lmoqda. Premyera doirasida qo‘shiqka oid videolavhalar ham tarmoqlarda joylashtirildi.
Ma’lum qilinishicha, Yulduz Usmonova va Malik avval ham birgalikda bir nechta ijodiy loyihalarni amalga oshirgan. Ularning turli tillarda ijro etilgan qo‘shiqlari muxlislar tomonidan iliq kutib olingan.
Jumladan, “O‘zbekcha gapir”, “Ku-ku” va “Da kujo shumo” kabi taronalar ushbu ijodkorlarning eng mashhur ishlari qatoriga kiradi. Yangi “Pomada” qo‘shig‘i ham muxlislar tomonidan ijobiy baholanib, o‘ziga xos tarzda trendga aylandi.
Ushbu duet san’at ixlosmandlari orasida katta qiziqish uyg‘otmoqda.
