Burak O‘zchivit 20 yildan beri sochini o‘zi qirqadi

Turkiyaning eng taniqli va boy aktyorlaridan biri Burak O‘zchivit yaqinda bergan intervyusida o‘zining shaxsiy hayotiga doir qiziqarli ma’lumotni oshkor qildi. Bu haqda Zamin.uz xabar berdi.

Aktyorning ta’kidlashicha, u 20 yildan beri sochini o‘zi tartibga soladi va o‘zi kaltalatadi. Uning so‘zlariga ko‘ra, ayrim filmlar uchun sochini ataylab o‘stirgan va suratga olish ishlari tugagach, mashinka yordamida o‘zi qirqib tashlagan.

Ushbu ma’lumot ko‘plab muxlislarni hayratga soldi. Intervyu davomida boshlovchi ham bu holatdan ajablanganini yashira olmadi.

U Burak O‘zchivitning tashqi ko‘rinishi har doim mukammal ekanini ta’kidlab, mashhurlar orasida shaxsiy stilist va sartarosh xizmatlaridan foydalanish odatiy hol ekanini eslatib o‘tdi. Biroq Burak O‘zchivit buni oddiy odat sifatida qabul qilishini va tashqi ko‘rinishi ustidan to‘liq o‘zi nazorat o‘rnatishni afzal ko‘rishini aytdi.

Aktyorning ushbu odati uning kamtar va mustaqil shaxs ekanini yana bir bor tasdiqlaydi.