Yulduz Turdiyeva turmush o‘rtog‘iga bo‘lgan mehrini so‘zladi
Xonanda Yulduz Turdiyeva turmush o‘rtog‘iga bo‘lgan mehr-muhabbati va oilaviy munosabatlari haqida so‘zlab berdi. Bu haqda Zamin.uz xabar berdi.
U o‘z so‘zlarida erining qo‘llab-quvvatlashi va mehribonligi uning hayoti va ijodida muhim o‘rin tutishini ta’kidladi. “Bugungi kunga yetib kelishimda ota-onam, yaqinlarim va turmush o‘rtog‘imning hissasi beqiyos.
Ulug‘bek meni har doim qo‘llab-quvvatlaydi, avaylaydi. Agar u bo‘lmaganda, ijodim ham bu darajada bo‘lmasdi.
Shuning uchun erimga bo‘lgan muhabbatim boshqacha”, — dedi xonanda. Suhbat davomida Yulduz Turdiyevadan oilaviy hayotidagi muammolar va janjallar haqida so‘raldi.
Xonanda bu haqda quyidagicha javob berdi: “Albatta, ba’zida janjallar bo‘lib turadi. Rashk ham, tushunmovchiliklar ham hayotning bir qismi.
Lekin bir tomon jim bo‘lsa, hayot chiroyli bo‘ladi”. Shuningdek, xonandaga “Janjaldan keyin kim birinchi bo‘lib uzr so‘raydi?” degan savol ham berildi.
U bu savolga shunday javob berdi: “Ko‘pincha ayb menda bo‘ladi. Ulug‘bek hech qachon birinchi bo‘lib uzr so‘ramaydi.
Kutaman, lekin sabrim chidamay, oxir-oqibat o‘zim uzr so‘rayman. Ayol kishi jim bo‘lsa, hayot yanada go‘zal bo‘ladi”.
