Sitora Abdurahmonova turmushi va mish-mishlarga oydinlik kiritdi

Aktrisa Sitora Abdurahmonova yaqinda “Yashintv” ko‘rsatuvida bergan intervyusida o‘z hayoti haqida ochiq-oydin gapirdi va turli mish-mishlarga oydinlik kiritdi. Bu haqda Zamin.uz xabar berdi.

Suhbat davomida boshlovchi unga: “Siz turmushdan ajraganingiz va farzandingiz borligi haqida gap-so‘zlar tarqalgan. Bu qanchalik haqiqat?” degan savolni berdi.

Sitora bu savolga aniq javob qaytarib, shunday dedi: “Mening farzandim yo‘q. Turmushga chiqqanim rost, lekin oilaviy hayotim muvaffaqiyatli kechmadi.

2022 yilda turmush qurganman, ammo oilaviy hayotimiz atigi uch oy davom etdi. Bir-birimizga mos kelmaganmiz, dunyoqarashlarimiz ham farq qilgan.

Rostini aytsam, o‘sha paytda ota-onamga bu inson bilan kelajagimni tasavvur qila olmasligimni aytganman. Lekin yoshim 23da bo‘lgani uchun turmush qurishim kerakligi haqida bosim bo‘lgan.

Shundan keyin rozi bo‘lganman.” Shuningdek, aktrisa turmush qurish jarayoni sovchilik orqali bo‘lganini ham tasdiqladi. Sitora: “Ha, sovchilik orqali bo‘lgan.

Keyinchalik oila qurishga rozi bo‘lganman,” deya qo‘shimcha qildi. Aktrisa Sitora Abdurahmonova ko‘plab tomoshabinlar tomonidan mashhur turk aktrisasi Neslihan Atagulga o‘xshatiladi.

U ayniqsa, “Rangsiz gullar” serialidagi Shabnam obrazi orqali keng tanilgan va xalq orasida mashhurlikka erishgan.