Sitora Abdurahmonova: Turmushim O‘xshamadi, Qizim Yo‘q
Aktrisa Sitora Abdurahmonova yaqinda "Yashintv" ko‘rsatuvida bergan suhbatida turmushga chiqib ajralgani va farzandi borligi haqidagi mish-mishlarga izoh berdi. Bu haqda Zamin.uz xabar berdi.
Boshlovchi undan: "Siz turmushdan ajraganingiz va qizingiz borligi haqida yozishmoqda. Bu gaplar qanchalik rost?" deb so‘radi.
Sitora bu savolga ochiq javob berib, dedi: "Qizim yo‘q. Turmushga chiqqanim rost, lekin oilaviy hayotim o‘xshamadi.
2022 yilda turmush qurganman va uch oy birga yashaganmiz. Bir-birimizga mos kelmadik, dunyoqarashimiz ham to‘g‘ri kelmadi.
Boshida ota-onamga ham bu mening odamim emasligini, bu inson bilan kelajagimni tasavvur qila olmasligimni aytganman. Ammo yoshim 23 da edi, turmush qurishing kerak, degan gaplar bo‘lgan", dedi aktrisa.
Suhbat davomida boshlovchi yana bir bor aniqlik kiritib, turmush qurish jarayoni sovchilik orqali bo‘lgan-bo‘lmaganini so‘radi. Sitora esa: "Ha, keyinchalik rozi bo‘lganman.
Hammasi sovchilik orqali bo‘lgan", deya qo‘shimcha qildi. Hozirda ko‘plab tomoshabinlar aktrisani turk aktrisasi Neslihan Atagulga o‘xshatishadi.
Sitora "Rangsiz gullar" serialida Shabnam obrazi orqali keng tanilgan.
