Sitora Abdurahmonova turmush qurishi va ajralishi haqida so'zladi
Aktrisa Sitora Abdurahmonova yaqinda "Yashintv" dasturida mehmon bo‘lib, turmush qurishi va ajralishi haqida o‘z fikrlarini bildirdi. Bu haqda Zamin.uz xabar berdi.
Suhbat davomida boshlovchi undan turmushdan ajrashgani va farzandi borligi haqidagi mish-mishlar qanchalik to‘g‘ri ekanligini so‘radi. Sitora bu savollarga ochiq javob berib, qizi yo‘qligini, lekin turmushga chiqqani rostligini aytdi.
U 2022 yilda turmush qurganini, lekin oilaviy hayoti muvaffaqiyatli bo‘lmaganini, atigi uch oy birga yashaganliklarini ma'lum qildi. Aktrisa turmush qurishdan oldin ota-onasiga bu inson bilan kelajagini tasavvur qila olmasligini aytganini bildirdi.
Biroq, yoshini inobatga olib, turmush qurishi kerakligi haqida gap-so‘zlar bo‘lgan. Suhbat davomida boshlovchi turmush qurish jarayoni sovchilik orqali bo‘lganmi, deb so‘radi.
Sitora bu savolga ham tasdiqlab, hammasi sovchilik orqali bo‘lganini qo‘shimcha qildi. Hozirgi paytda ko‘plab tomoshabinlar uni mashhur turk aktrisasi Neslihan Atagulga o‘xshatishadi.
Sitora "Rangsiz gullar" serialidagi Shabnam roli orqali ham keng tanilgan.
