Ulug'bek Yo'lchiyev va Jasur Umirov dueti premyerasiz qoldi
"Omon-omon" dasturining navbatdagi sonida mashhur qo'shiqlari bilan tanilgan xonanda Ulug'bek Yo'lchiyev mehmon bo'ldi. Bu haqda Zamin.uz xabar berdi.
Suhbat davomida undan ilgari kuylangan, lekin premyera qilinmagan duet haqida so'raldi. Ma'lum bo'lishicha, Ulug'bek Yo'lchiyev Jasur Umirovning konsertida u bilan duet ijro etgan ekan.
Qo'shiq yozib olingan bo'lsa-da, yakunda premyera qilinmagan va ayrim lavhalar kesib tashlangan. Xonandaning aytishicha, bu vaziyat kichik tushunmovchilik sababli yuzaga kelgan.
"To'g'ri, ochiqchasiga ayta qolamiz. Jasur Umirovning konsertida duet kuylaganmiz, ovozlar ham yozilgan.
Shunda Jasur Umirov mening rasmimni so'ragan, yoqsa chiqaramiz degan. Men hazil tariqasida senga yoqmay qo'ya qolsin rasmim, deganman.
Bo'ldi, shundan keyin gaplashmaganmiz ham", deya izoh berdi Ulug'bek Yo'lchiyev. San'atkorning ushbu bayonoti ijtimoiy tarmoqlarda ham muhokamalarga sabab bo'ldi.
Muxlislar esa ikki xonandaning hamkorligi baribir bir kun kelib rasman taqdim etilishiga umid bildirmoqda.
