Yulduz Turdiyeva turmush o‘rtog‘i bilan munosabatlarini ochiqladi

Xonanda Yulduz Turdiyeva turmush o‘rtog‘iga bo‘lgan muhabbati o‘ziga xos ekanini aytib o‘tdi. Bu haqda Zamin.uz xabar berdi.

Ularning orasida ba’zan janjallar bo‘lib turishini, lekin ko‘pincha yarashish uchun birinchi bo‘lib o‘zi uzr so‘rashini ta’kidladi. Yulduz Turdiyeva ota-onasi, yaqinlari va turmush o‘rtog‘ining uning hayotidagi ahamiyatini alohida qayd etdi.

Uning so‘zlariga ko‘ra, turmush o‘rtog‘i Ulug‘bek uni doimo qo‘llab-quvvatlaydi va asrab-avaylaydi, bu esa uning ijodiy faoliyatida muhim rol o‘ynaydi. Bu sababdan, unga bo‘lgan muhabbati boshqacha ekanini ta’kidladi.

Suhbat davomida undan turmush o‘rtog‘i bilan janjallashib turish-turmasligi haqida so‘ralganda, Yulduz Turdiyeva ha, ba’zan janjallar bo‘lib turishini tan oldi. U rashk qilishini va bu holat hayotda tabiiy ekanini aytdi.

Sevgi va tushunmovchiliklar hayotning bir qismi ekanini, lekin bir tomon jim bo‘lsa, hayot go‘zal bo‘lishini ta’kidladi. "Urushib qolganingizda kim birinchi bo‘lib uzr so‘raydi?" degan savolga, Yulduz Turdiyeva turmush o‘rtog‘i Ulug‘bek hech qachon birinchi bo‘lib uzr so‘ramasligini, ko‘pincha ayb o‘zida bo‘lishini aytdi.

U sabri chidamay, oxir-oqibat o‘zi uzr so‘rashini bildirdi. Ayol kishi jim bo‘lsa, hayot chiroyli bo‘lishini qo‘shimcha qildi.