Yulduz Turdiyeva turmushidagi sevgi va tushunmovchiliklar haqida so‘zladi
Xonanda Yulduz Turdiyeva turmush o‘rtog‘iga bo‘lgan muhabbati haqida gapirib berdi. Bu haqda Zamin.uz xabar berdi.
Ular ba’zan janjallashib turishlarini va ko‘pincha yarashish uchun birinchi bo‘lib o‘zi uzr so‘rashini aytadi. Xonandaning so‘zlariga ko‘ra, uning hayotidagi yutuqlarga ota-onasi, yaqinlari va turmush o‘rtog‘i Ulug‘bekning hissasi katta.
Turdiyeva Ulug‘bek uni har doim qo‘llab-quvvatlab, ijodida yordam berishini ta’kidlaydi. Suhbat davomida undan turmush o‘rtog‘i bilan janjallashishlari haqida so‘ralganda, Yulduz Turdiyeva buni tasdiqlaydi.
U rashk qilishini, lekin bu ham hayotning bir qismi ekanligini aytadi. Rashk, sevgi, janjal va tushunmovchiliklar hayotda bo‘lib turishini, lekin bir tomon jim bo‘lsa, hayot yanada go‘zal bo‘lishini ta’kidlaydi.
"Urushib qolganingizda kim birinchi bo‘lib uzr so‘raydi?" degan savolga xonanda, Ulug‘bek birinchi uzr so‘ramasligini, chunki ko‘pincha ayb uning o‘zida bo‘lishini aytadi. U sabr qilolmay, o‘zi uzr so‘rashini qo‘shib o‘tadi.
Ayol kishi jim bo‘lishi kerakligini, bu bilan hayot chiroyli bo‘lishini aytadi.
