Yulduz Turdiyeva: "Turmush o‘rtog‘imning qo‘llab-quvvatlashi muhim"
Xonanda Yulduz Turdiyeva turmush o‘rtog‘iga bo‘lgan muhabbati haqidagi fikrlarini o‘rtoqlashdi. Bu haqda Zamin.uz xabar berdi.
Ular o‘rtasida ba’zan janjallar sodir bo‘lishini, lekin ko‘pincha yarashish uchun birinchi bo‘lib o‘zi uzr so‘rashini aytdi. Yulduz Turdiyeva ota-onasi, yaqinlari va turmush o‘rtog‘ining qo‘llab-quvvatlashi uning hayotida muhim o‘rin tutishini ta’kidladi.
Xonandaning aytishicha, turmush o‘rtog‘i Ulug‘bekning mehr-muhabbati va qo‘llab-quvvatlashi bo‘lmasa, ijodiy faoliyatini davom ettira olmas edi. Suhbat davomida Yulduz Turdiyevadan turmush o‘rtog‘i bilan janjallashishlari haqida so‘ralganda, u buni tasdiqladi va rashk tufayli kelib chiqadigan tushunmovchiliklar haqida gapirdi.
Biroq, u hayotda rashk va sevgi, janjal va tushunmovchiliklar bo‘lishini, lekin bir tomon jim bo‘lsa, hayot go‘zal bo‘lishini ta’kidladi. Urushib qolganlarida kim birinchi bo‘lib uzr so‘raydi degan savolga javoban, Yulduz Turdiyeva Ulug‘bekning hech qachon birinchi uzr so‘ramasligini, chunki ko‘pincha ayb o‘zida bo‘lishini aytdi.
U sabri yetmay, o‘zi birinchi uzr so‘raydi. Ayol kishi jim bo‘lsa, hayot chiroyli bo‘ladi, dedi xonanda.
"ONE.UZ" yangiliklarini "Telegram"da kuzatib boring
