Tohir Sodiqov: "Kuyov tanlashda ichki dunyo muhim"

O‘zbekiston san’atida o‘ziga xos o‘ringa ega bo‘lgan xonanda Tohir Sodiqov ikki qizini turmushga uzatgan ota sifatida kuyov tanlash masalasida o‘z fikrlari bilan o‘rtoqlashdi. Bu haqda Zamin.uz xabar berdi.

U intervyularidan birida farzand tarbiyasi va oilaviy qadriyatlar haqida ochiq va samimiy fikrlarini bildirdi. Tohir Sodiqovning aytishicha, u qizlarini mustaqil fikrlaydigan, hayotda o‘z yo‘lini topa oladigan shaxs sifatida tarbiyalagan.

"Men qizlarimni shunday tarbiya berdimki, ular o‘zlari mustaqil qarorlar qabul qiladigan, o‘z yo‘lini topa oladigan shaxs bo‘lib yetishdi. Ular o‘z sevgilari bilan turmush qurishdi", deydi u.

Uning fikricha, kuyov tanlashda tashqi omillardan ko‘ra insonning ichki dunyosi muhimroqdir. Tohir Sodiqovning ta’kidlashicha, eng avvalo yigitning odamiyligi va xarakteriga e’tibor qaratish lozim.

Xonanda kuyov tanlashda "kerak" yoki "kerak emas" degan tushunchalardan ko‘ra, insoniy fazilatlar ustuvor bo‘lishi kerakligini ta’kidlaydi. Uningcha, mustahkam oila o‘zaro hurmat va sog‘lom xarakter asosida quriladi.

Bu oilaning baxtli va barqaror bo‘lishiga zamin yaratadi.