Burak O‘zchivit sochini 20 yildan beri o‘zi kaltalatadi
Turkiyaning taniqli va boy aktyorlaridan biri Burak O‘zchivit yaqinda bergan intervyusida shaxsiy hayotiga oid qiziqarli ma’lumotlarni o‘rtoqlashdi. Bu haqda Zamin.uz xabar berdi.
U 20 yildan beri sochini o‘zi kaltalatib kelayotganini aytib o‘tdi. Aktyor ba'zi filmlar uchun sochini maxsus o‘stirishini, keyinchalik suratga olish ishlari tugagach, mashinka yordamida o‘zi qisqartirishini ta’kidladi.
Bu ma’lumot ko‘plab muxlislar uchun kutilmagan yangilik bo‘ldi. Intervyu davomida boshlovchi ham hayratini yashira olmadi.
"Hozirda ko‘plab mashhurlarning shaxsiy stilistlari va sartaroshlari bor. Sizning sochingiz juda ham ideal holatda turibdi", dedi u.
Burak O‘zchivit esa bu odatini oddiy bir xatti-harakat sifatida qabul qilishini va tashqi ko‘rinishini nazorat qilishni o‘zi afzal ko‘rishini bildirdi. Bu esa uning o‘ziga xosligi va soddaligini yana bir bor namoyon etdi.
Burak O‘zchivitning bu odati ko‘plab insonlarga o‘z tashqi ko‘rinishini o‘zi boshqarish mumkinligini ko‘rsatadi.
