Burak O‘zchivit Sochini O‘zi Kaltalatishini Oshkor Qildi

Turkiyaning taniqli va boy aktyorlaridan biri Burak O‘zchivit yaqinda bergan intervyusida shaxsiy hayoti haqida qiziqarli ma’lumotlar bilan bo‘lishdi. Bu haqda Zamin.uz xabar berdi.

U 20 yildan beri sochini o‘zi kaltalatib, tartibga solib kelishini aytib o‘tdi. Aktyor ba’zi filmlar uchun sochini ataylab o‘stirganini va suratga olish ishlari tugagach, mashinka yordamida o‘zi olib tashlaganini ta’kidladi.

Bu yangilik ko‘plab muxlislar uchun kutilmagan bo‘ldi. Intervyuni olib borgan boshlovchi ham buni eshitgach, hayratini yashira olmadi.

“Mashhurlar orasida deyarli barchasining shaxsiy stilist va sartaroshlari bor. Sizning sochingiz juda ideal holatda,” dedi u.

Burak O‘zchivit esa bu oddiy bir odat ekanini, tashqi ko‘rinishini o‘zi nazorat qilishni afzal ko‘rishini bildirdi. Aktyor o‘zini parvarish qilish masalasida mustaqil bo‘lishni afzal biladi.

Unga ko‘ra, bu uning shaxsiy odati va o‘ziga bo‘lgan ishonchini oshiradi.