Yulduz Turdiyeva farzandlarining san’atni tanlashini istamaydi
Xonanda Yulduz Turdiyeva farzandlarining kelajakda san’at yo‘lini tanlashini unchalik xohlamasligini ma’lum qildi. Bu haqda Zamin.uz xabar berdi.
U katta o‘g‘li yaqinda 17 yoshga to‘lganini va vaqti-vaqti bilan gitara chalib turishini aytib o‘tdi. Xonanda o‘g‘li bilan bo‘lgan suhbatni esladi: "Mehroj, san’atga qiziqishing bormi?" deb so‘radim.
O‘g‘lim esa: "Oyi, bir bastakor qo‘shiq tashlabdi, o‘sha qo‘shiqni men aytsam bo‘ladimi? Juda yoqdi", dedi.
Men: "Xo‘p, unda avval menga aytib ber-chi", dedim. Ammo u: "Yo‘q, oyi, sizdan uyalaman", deb javob berdi, deya hikoya qiladi xonanda.
Shuningdek, Yulduz Turdiyeva farzandlari masalasida qat’iy taqiq yo‘qligini ta’kidladi. Unga ko‘ra, agar bolalari haqiqatan ham san’atga qobiliyatli bo‘lsa va bu yo‘lda o‘zini ko‘rsata olsa, u holda qarshilik qilmaydi.
"Agar farzandlarim chindan ham zo‘r bo‘lsa, ularni to‘xtatmayman. Chunki san’atni majburan tark etib bo‘lmaydi — bu ichki ehtiyoj, inson kasal bo‘lib qoladi", deya qo‘shimcha qildi xonanda.
