Ozoda Nursaidova Filmda Kichik Rolga Rozilik Bildirdi

Xonanda Ozoda Nursaidovaning 2002 yilda kuylangan "Bemor qiz nolasi" va 2006 yilda ijro etilgan "Kechagimas 2" qo'shiqlari asosida film uchun ssenariy yozilgan. Bu haqda Zamin.uz xabar berdi.

Dastlab, filmning bosh roliga Ozoda Nursaidovaning o'zi taklif etilgan edi. Biroq, xonanda kinoda rol o'ynamasligini, har kim o'z sohasida ishlagani ma'qul ekanligini ma'lum qilgan.

U bergan intervyularidan birida "Nega kinoda rol o'ynamaysiz?" degan savolga, inson o'z kasbini sidqidildan bajargani to'g'riroq bo'lishini aytgan. Shuningdek, Ozoda Nursaidova bir vaqtlar ko'plab filmlarga bosh rol uchun takliflar bo'lganini, ammo ularning barchasini rad etganini ham bildirgan.

Lekin, mazkur film ssenariysi juda ta'sirli bo'lganligi sababli, xonanda bu safar istisno tariqasida kichik epizodda ishtirok etishga rozi bo'lgan. U bunga bir yildan so'ng qanday qilib rozilik berganini ham ochiqladi.

Rejissyor unga: "Bu filmga tushmasangiz bo'lmaydi. Chunki film ssenariysi aynan shu qo'shiqdan kelib chiqqan.

Bizga voqealar rivoji va syujet g'oyasi qo'shiqdagi mazmun turtki bo'ldi. Shundan keyin ssenariy yozdim.

Shuning uchun iltimos, hech bo'lmaganda kichkina rol o'ynab bering", deb tushuntirgan. Ozoda Nursaidova buni tushunib, rozi bo'lganini va film unga juda yoqqanini, hatto ko'rib yig'laganini izoh berdi.