Ozoda Nursaidova yangi filmda kichik rol ijro etadi
Xonanda Ozoda Nursaidovaning 2002 yilda kuylangan "Bemor qiz nolasi" va 2006 yilda ijro etilgan "Kechagimas 2" qo'shiqlari asosida film uchun ssenariy yozildi. Bu haqda Zamin.uz xabar berdi.
Avvaliga ushbu filmda bosh rolni ijro etish uchun aynan Ozoda Nursaidovaga taklif berilgan edi. Biroq, xonanda kinoda rol o'ynamasligini, har kim o'z sohasida ishlasa ma'qul ekanini ta'kidlagan.
U intervyularidan birida, "Nega kinoda rol o'ynamaysiz?" degan savolga, inson o'z kasbini chin dildan bajargani to'g'riroq bo'lishini aytgan. Ozoda Nursaidova bir vaqtlar ko'plab filmlar uchun bosh rol takliflarini olganini, ammo ularning barchasini rad etganini ham ma'lum qilgan.
Ammo, ushbu film ssenariysi juda ta'sirli chiqqani sababli, xonanda bu safar kichik bir epizodda ishtirok etishga rozi bo'lgan. U bir yildan keyin qanday qilib rozilik berganini ham ochiqladi.
Rejissyor unga: “Bu filmda rol o'ynashingiz kerak, chunki ssenariy aynan qo'shiqdan ilhomlangan. Bizga voqealar rivoji, syujet g'oyasi qo'shiq mazmunidan turtki bo'ldi.
Shuning uchun iltimos, kichik bir rolni o'ynab bering”, deb tushuntirdi. Men buni tushunib, rozi bo'ldim.
Film menga juda yoqdi, hatto ko'rib yig'ladim", dedi xonanda.
