Krishtianu Ronaldu yangi sog‘liq loyihasiga sarmoya kiritdi
Dunyo futbolida eng ko‘p gol urgan Krishtianu Ronaldu, Saudiya Arabistonidagi "An-Nasr" jamoasida yuqori maosh olishiga qaramay, yangi biznes loyihasini boshladi. Bu haqda Zamin.uz xabar berdi.
41 yoshli portugaliyalik futbolchi 7,5 million dollar sarmoya kiritib, zamonaviy avlod uchun raqamli va shaxsiylashtirilgan sog‘liq va farovonlik tizimi Pro2col Software faoliyatida qatnashmoqda. Rasmiy ma’lumotlarga ko‘ra, Ronaldu Herbalife kompaniyasiga tegishli bo‘lgan HBL Pro2col Software sho‘ba korxonasining 10 foiz aksiyalarini sotib oldi.
Pro2col tizimi Herbalife distribyutorlariga mijozlar bilan samarali ishlash va ularni qo‘llab-quvvatlash uchun vositalar va tahliliy ma’lumotlar taqdim etadi. Bu esa shaxsiylashtirilgan ovqatlanish va sog‘lomlashtirish xizmatlarini kengroq ommaga yetkazish imkoniyatini beradi.
Qayd etilishicha, Ronaldu 2013 yildan beri Herbalife bilan hamkorlik qilib kelmoqda va bu yangi investitsiya uning sog‘liq va farovonlik sohasidagi faolligini yanada mustahkamlaydi.
