Ronaldu 7,5 million dollarlik sog‘liq loyihasiga sarmoya kiritdi
Dunyo futbolida eng ko‘p gol urgan Krishtianu Ronaldu Saudiya Arabistonining "An-Nasr" jamoasidagi yuqori maoshiga qaramay, yana bir yangi biznes loyihasini boshladi. Bu haqda Zamin.uz xabar berdi.
41 yoshli portugaliyalik futbolchi 7,5 million dollarlik investitsiya kiritib, zamonaviy avlod uchun raqamli, shaxsiylashtirilgan sog‘liq va farovonlik operatsion tizimida ishtirok etmoqda. Rasmiy ma'lumotlarga ko‘ra, Ronaldu Herbalife kompaniyasiga tegishli bo‘lgan HBL Pro2col Software sho‘ba korxonasi aksiyalarining 10 foizini sotib oldi.
Pro2col tizimi Herbalife distribyutorlariga mijozlar bilan samarali ishlash va ularni qo‘llab-quvvatlash uchun vositalar hamda tahliliy ma’lumotlar taqdim etadi. Bu esa shaxsiylashtirilgan ovqatlanish va sog‘lomlashtirish xizmatlarini kengroq auditoriyaga yetkazish imkonini beradi.
Ma'lum bo‘lishicha, Ronaldu 2013 yildan beri Herbalife bilan hamkorlik qilib kelmoqda va bu yangi investitsiya uning sog‘liq va farovonlik sohasidagi faolligini yanada mustahkamlaydi. Shu tariqa, Ronaldu nafaqat futbol maydonida, balki biznes sohasida ham faoliyatini davom ettirmoqda.
