Krishtianu Ronaldu sog‘liq texnologiyasiga 7,5 mln dollar sarmoya kiritdi
Dunyo futbolida eng ko‘p gol urgan Krishtianu Ronaldu, Saudiya Arabistonining "An-Nasr" jamoasida yuqori maosh bilan o‘ynayotgan bo‘lsa-da, yana bir yangi biznes loyihasiga qadam qo‘ydi. Bu haqda Zamin.uz xabar berdi.
41 yoshli portugaliyalik futbolchi 7,5 million dollarlik investitsiya kiritib, zamonaviy avlod uchun raqamli va shaxsiylashtirilgan sog‘liq hamda farovonlik tizimi Pro2col Software faoliyatida ishtirok etmoqda. Rasmiy xabarga ko‘ra, Ronaldu Herbalife kompaniyasiga tegishli HBL Pro2col Software sho‘ba korxonasi aksiyalarining 10 foizini sotib oldi.
Pro2col tizimi Herbalife distribyutorlariga mijozlar bilan samarali ishlash va ularni qo‘llab-quvvatlash uchun vositalar hamda tahliliy ma’lumotlar taqdim etadi. Bu esa shaxsiylashtirilgan ovqatlanish va sog‘lomlashtirish xizmatlarini kengroq auditoriyaga yetkazish imkonini yaratadi.
Qayd etilishicha, Ronaldu 2013 yildan beri Herbalife bilan hamkorlik qilib kelmoqda va bu yangi investitsiya uning sog‘liq va farovonlik sohasidagi faolligini yanada mustahkamlaydi.
