Xonzoda Do‘stova ona bo‘lishdan keyingi o‘zgarishlarni so‘zladi
Xonanda Xonzoda Do‘stova Navo telekanalining "Navo mehmonda" dasturida ona bo‘lganidan keyin hayotida yuz bergan o‘zgarishlar haqida so‘zlab berdi. Bu haqda Zamin.uz xabar berdi.
Uning aytishicha, ona bo‘lishidan oldin u qaysar, tez jahli chiqadigan va qizishib ketadigan inson bo‘lgan. Turmush qurgach, haqiqiy sinovlar va mas’uliyat boshlanishini tushungan.
Farzandli bo‘lgach esa, o‘ziga savol bera boshlagan: farzandiga yetarli mehr bera olyaptimi? Yetarli vaqt ajrata olyaptimi?
O‘g‘li dunyoga kelganidan keyin, u qisman bo‘lsa ham, ijobiy tomonga o‘zgarganini aytadi. Hozir ancha xotirjam va og‘ir-bosiqroq bo‘lganini ta’kidlaydi.
Chunki u agressiv muhitda ulg‘aygan bola ko‘pincha qo‘rqoq bo‘lishini tushungan. Farzandi bilan yaqin do‘stdek bo‘lishni istaydi.
Hatto jahli chiqib, qizishib turgan paytlarida ham farzandi oldida o‘zini bosishga, og‘irroq bo‘lishga harakat qilishini aytadi, xo‘jayni oldida ham xuddi shunday harakat qilishini qo‘shimcha qildi. Uning bu samimiy so‘zlari ona bo‘lishning shaxsiyatga qanday ijobiy ta’sir qilishi haqida o‘quvchilarni o‘ylashga undaydi.
