Dilnoz ijodiy xarajatlarini ochiqchasiga oshkor qildi

Xonanda Dilnoz o'zining ijodiy faoliyati bilan bog'liq xarajatlar haqida intervyularidan birida ochiq gapirdi. Bu haqda Zamin.uz xabar berdi.

Uning so'zlariga ko'ra, konsertlar va xizmatlardan tushgan mablag'larning hammasi shaxsiy ehtiyojlarga emas, balki ijodiy jarayonlarga ham sarflanadi. San'atkor daromadning bir qismini ijodga yo'naltirishini ta'kidladi.

Masalan, bir oddiy qo'shiqni tayyorlash uchun o'rtacha 3 ming dollar mablag' talab qilinadi. Klip suratga olish xarajatlari esa bundan ham qimmatroq.

Dilnozning aytishicha, odatda klip ishlab chiqarish uchun 4–5 ming dollar atrofida mablag' sarflanadi. Ba'zi hollarda klipning byudjeti 10–15 ming dollargacha yetishi mumkin.

Hozirda Dilnozning yangi klipi taxminan 4–5 ming dollar atrofida mablag' evaziga suratga olinayotganini ma'lum qildi. Bu raqamlar san'atkorlarning ijodiy faoliyatida qanchalik katta mablag'lar sarflanishini ko'rsatadi.