Munisa Rizayevaning uyi ustiga dron qulagan

Xonanda Munisa Rizayeva uzoq tanaffusdan so‘ng ijtimoiy tarmoqlarda paydo bo‘lib, boshidan kechirgan qo‘rqinchli voqea haqida so‘zlab berdi. Bu haqda Zamin.uz xabar berdi.

Uning ta'kidlashicha, ular yashayotgan uyga dron qulagan. Munisa avvalo muxlislariga minnatdorlik bildirib, "Qanday qilib tirik qolganimizni bilmayman.

Sizlarning g‘amxo‘rligingizni his qilish men uchun juda muhim. Hammaga katta rahmat," deya izhor etdi.

Xonanda o‘sha kuni yuz bergan voqeani ham eslab o‘tdi. Uning so‘zlariga ko‘ra, ular uyda zalda o‘tirgan paytda u biror narsani sezgandek oyna tomon qaragan.

Shu vaqtda deraza oldida o‘g‘li enagasi bilan o‘tirgan va kutilmaganda dron bino tomon qulagan. Muxlislarini tashvishga solgan ushbu hodisadan so‘ng, Munisa Rizayeva Toshkentga uchib kelganini ham ma’lum qildi.

Xonanda hozirda o‘zini yaxshi his qilayotganini ta’kidladi.