Ariana Rokfeller: Merosdan tashqarida mustaqil hayot izlaydi
Dunyoning eng boy va nufuzli oilalaridan biri bo‘lgan Rokfellerlar sulolasi haqida ko‘pchilik eshitgan. Bu haqda Zamin.uz xabar berdi.
Bu oilaning vakillari o‘zlarining ulkan boyligi va siyosiy ta’siri bilan tarixda muhim o‘rin egallagan. Hozirgi kunda ushbu sulolaning eng ko‘zga ko‘ringan vakillaridan biri Ariana Rokfeller hisoblanadi.
U 1982 yil 26 mayda Kembrij shahrida tug‘ilgan. Ariana, mashhur neft magnati Jon Rokfellerning evarasi va XX asrning nufuzli bankirlaridan biri, "Chase Bank" rahbari Devid Rokfellerning nabirasi sanaladi.
Uning oilasi 10 milliard dollardan ortiq boylikka egaligi aytiladi. Shunga qaramay, Ariana o‘zini faqat merosxo‘r sifatida emas, balki mustaqil shaxs sifatida ko‘rsatishga intiladi.
Uning qanday hayot kechirishi va boylikka munosabati ko‘pchilikni qiziqtiradi. Ariana o‘zining ijtimoiy faolligi, modaga qiziqishi va xayriya ishlari bilan tanilgan.
U hashamatli hayot kechirsada, ajdodlaridan qolgan mas’uliyatni chuqur his qiladi. Uning hayoti boylik va shaxsiy maqsadlar o‘rtasidagi muvozanatni saqlashga urinayotgan zamonaviy yosh avlod vakili uchun yorqin misol bo‘lib xizmat qiladi.
