Burak O‘zchivit Rossiyada monospetakl namoyish etdi

Turk kinolari va seriallari muxlislari orasida mashhur Burak O‘zchivit yana Rossiyaga tashrif buyurdi va bu safar ham uning kelishi katta qiziqish uyg‘otdi. Bu haqda Zamin.uz xabar berdi.

2 mart kuni taniqli aktyor "Istanbulning eng go‘zal qizi" nomli monospetaklini namoyish etdi. Ertasi kuni esa u ommaviy axborot vositalari vakillari bilan uchrashib, turli savollarga javob berdi.

Matbuot anjumanida eng ko‘p e’tiborni tortgan savol Burakning o‘zi qaysi turk seriallarini sevib tomosha qilishi haqidagi savol bo‘ldi. Burakning ta’kidlashicha, turk seriallari bugungi kunda dunyoning ko‘plab davlatlarida mashhur.

Rossiyada esa ularga nisbatan iliq munosabat borligini aytib o‘tdi. Aktyor buni tomoshabinlarning hikoyalar va obrazlarni yaxshi qabul qilishi bilan izohladi.

Unga ko‘ra, turk seriallari voqealari rossiyalik muxlislar qalbiga tez yetib boradi, shu bois bu yerda katta qiziqish uyg‘otadi. Burak O‘zchivit o‘ziga eng yoqqan to‘rtta loyihani sanab o‘tdi: "Muhtasham yuz yil", "Choliqushi", "Sevgi iztirobi" va "Hukmdor Usmon".

Bu ro‘yxat ko‘pchilikning e’tiborini tortdi, chunki bu loyihalar orasida aktyorning o‘zi ishtirok etgan seriallar bor edi. Tanqidchilar orasida "nega ro‘yxatga o‘zi qatnashmagan serial kiritilmadi?", "tanlov xudbinona chiqqan", "kamida bitta begona loyihani aytsa bo‘lardi" degan fikrlar paydo bo‘ldi.

Burakning muxlislari esa bu tanqidlarga javoban, aktyor o‘ziga eng yaqin, mehnat qilgan loyihalarni aytganini ta’kidlashdi. Har bir ijodkor uchun o‘z mehnati singan asar alohida qadrli bo‘lishi tabiiy.

Shu sababli, uning javobini samimiy tanlov sifatida qabul qilish mumkin.