Sevinch Ismoilova turmush va ijod haqida gapirdi

Sevinch Ismoilova o‘z muxlislarining qiziqtirgan savollariga samimiy javob berdi. Bu haqda Zamin.uz xabar berdi.

Uning shaxsiy hayoti, xususan, turmush qurish rejalari haqida so‘raldi. "To‘yingiz qachon?" degan savolga Sevinch hazilomuz tarzda javob berib, hali yoshligini ta’kidladi.

"To‘g‘risi, bu haqida hech ham o‘ylab ko‘rmadim. Takliflar bo‘lgan, ammo hozircha oila qurishga tayyor emasman.

Men uchun hozir karyera va ijod muhim", dedi u. Shuningdek, Sevinchdan bo‘lajak turmush o‘rtog‘i qanday bo‘lishi kerakligi haqida so‘ralganda, u buni oddiylik va samimiyat bilan izohladi.

"Biz hammamiz oddiy insonmiz. Eng asosiysi — qalb tozaligi, Allohga bo‘lgan iymoni va e’tiqodi", deya ta’kidladi xonanda.

Suhbat davomida unga "Oila qurganingizdan keyin ham ijodni davom ettirasizmi?" degan savol ham berildi. Sevinch bu savolga ishonch bilan javob qaytarib, ijodni davom ettirish niyatida ekanini bildirdi.

"Ha, albatta. Biz ijodkormiz va ijod qilish uchun yaratilganmiz", dedi u.

Shu tariqa, Sevinch Ismoilova ijodiy faoliyatini davom ettirish niyatida ekanini yana bir bor tasdiqladi.