Madina Tojiboyeva homiladorligini e'lon qildi

Hojiboy Tojiboyevning kenja qizi Madina Tojiboyevadan xushxabar keldi. Bu haqda Zamin.uz xabar berdi.

U o‘zining ijtimoiy tarmoqlardagi sahifasi orqali homilador ekanini e’lon qildi. Ma’lumki, Madina Tojiboyeva bloger Islom ismli yigit bilan turmush qurgan edi.

Endi esa ular hayotida yangi va quvonchli davr boshlandi. Madina videolavhada turmush o‘rtog‘i bilan farzand kutayotganini ma’lum qildi.

U videoga izoh qoldirib, ijodiy faoliyatidan to‘xtab, ijtimoiy tarmoqlarda kam ko‘rinishining sababini tushuntirdi. Bu xabar tezda muxlislar e’tiborini tortdi va ijtimoiy tarmoq foydalanuvchilari Madinani samimiy tabriklashdi.

Ko‘pchilik yosh oilaga baxt, xotirjamlik va sog‘lom farzand tilamoqda. Madinaga bildirilgan iliq tilaklar uning muxlislari orasida keng tarqaldi va unga bo‘lgan e’tibor yanada oshdi.

Yosh oila uchun bu davr katta quvonch va umid bilan to‘la.