Malika Amira al Tavil boylikdan ko‘ra ilmga intildi
Dunyodagi eng badavlat insonlarning rafiqasi haqida o‘ylaganda, ko‘pchilikning ko‘z oldiga qimmatbaho liboslar va oltin taqinchoqlarga berilgan ayol keladi. Bu haqda Zamin.uz xabar berdi.
Biroq hayotda bunday tasavvurlar har doim ham to‘g‘ri bo‘lmaydi. Bunga dunyodagi eng boy arab shayxlaridan birining turmush o‘rtog‘i, xayriya ishlariga faol jalb qilingan va inson huquqlari himoyachisi bo‘lgan malika Amira al-Tavil misol bo‘la oladi.
Malika Amira 1983 yil 15 noyabrda Saudiya Arabistonining poytaxti Ar-Riyod shahrida tug‘ilgan. U boshlang‘ich va o‘rta ta’limni shu shaharda tamomlagach, bilimini yanada oshirish uchun Shveysariya va Amerika Qo‘shma Shtatlariga yo‘l olgan.
Xorijda oliy ma’lumot olgan malika ilm-fan sohasida munosib darajaga erishgan. Sharq go‘zali o‘zining nafis va zamonaviy kiyinish uslubi bilan tanilgan.
U ko‘pincha milliy an’analarga sodiq qolgan holda abaya va hijobda namoyon bo‘ladi, lekin shu bilan birga jahon modasidagi yangiliklarni ham kuzatib boradi. Malikaning libos tanlovida brendlar emas, balki did va qulaylik ustuvorlik qiladi.
U dunyoga mashhur qimmatbaho moda uylari mahsulotlarini ham, kundalik oddiy kiyimlarni ham o‘z obraziga mohirlik bilan uyg‘unlashtira oladi. Amira al-Tavil 2008 yilda shahzoda Al-Valid bin Talal bilan oila qurgan.
Ularning nikoh to‘yi dunyo miqyosida katta shov-shuvga sabab bo‘lgan va tadbirga ko‘plab nufuzli mehmonlar tashrif buyurgan. Juftlikning munosabatlari 2000 yillarda ish yuzasidan uchrashuvi bilan boshlangan.
Yoshlar orasidagi katta farqqa qaramay, ular bir-biriga kuchli bog‘lanishgan va oradan olti yil o‘tgach rasman turmush qurishgan. Garchi jamoatchilik orasida ularning munosabatlari haqida turli mish-mishlar tarqalgan bo‘lsa-da, juftlik o‘zaro hurmat va mehrni saqlab qolgan.
Amira al-Tavil Saudiya jamiyatida samimiyligi va olijanobligi bilan tanilgan shaxsdir. Uning hayoti tashqaridan hasadga sazovor ko‘rinsa-da, aslida katta mas’uliyat va mehnat talab etadi.
Malika o‘z maqomiga munosib bo‘lish uchun tinimsiz harakat qiladi. U faqat nufuzli oila a’zosi sifatida emas, balki muhtojlarga yordam beruvchi va ijtimoiy loyihalarni amalga oshiruvchi faol inson sifatida xalq hurmatiga sazovor bo‘lgan.
Malikaning bag‘rikengligi va mehnatsevarligi ko‘plab ayollar uchun o‘rnak bo‘lib kelmoqda.
