Shahzod Sultonov hayot yo‘lini tanladi va uylanishga qaror qildi
Aktyor va xonanda Shahzod Sultonov oziy tarmoqlardagi sahifasi orqali muxlislari bilan qiziqarli videolarni ulashmoqda. Bu haqda Zamin.uz xabar berdi.
Sanatkorning songi paytlarda joylagan videolarining mazmuni uni hayratga solgan va muhokamalarga sabab bo‘lgan voqealar atrofida aylanmoqda. Sanatkor o‘zi uylanishni istagan qizni topgani va undan rozilik olgani haqidagi jarayonlarni ketma ketlikda namoyish etdi.
Dastlabki videolardan birining ostida Shahzod Sultonov o‘z his-tuyg‘ularini samimiy tarzda bayon qilgan. U ushbu tanlov shunchaki tasodif emas, balki yuragidan chiqqan qat’iy qaror ekanligini ta’kidlagan.
Sanatkor hayot yo‘li endi aniq bo‘lganini va bu qarorni shoshilmasdan, chuqur his qilgan holda qabul qilganini yozgan. Keyingi videolarda esa qiz bilan aloqalar tiklangani, u uchrashishga rozi bo‘lgani va berilgan sovg‘alarni qabul qilgani aks etgan.
Eng oxirgi lavhadalarda Shahzod guldasta va uzuk bilan qizning huzuriga borib, unga sovg‘alar taqdim etgani hamda onasining telefon raqamini so‘ragani tasvirlangan. Sanatkor ushbu videoning ostida hazilomuz ohangda muxlislardan to‘y haqidagi fikrlarini so‘rab, qizga yoqqanini, ammo onasining roziligi borasida shubhalari borligini yozgan.
Ushbu xabarlar ostida foydalanuvchilarning munosabatlari turlicha bo‘ldi. Ko‘pgina muxlislar sanatkorni tabriklab, unga baxt tilashdi va nihoyat to‘y bo‘lishidan quvonganlarini bildirishdi.
Biroq ayrimlar qizning milliyati va tili haqida savollar berib, uning yuzini ko‘rsatmagani bilan bog‘liq shubhalarni ilgari surishdi. Shuningdek, ba’zi foydalanuvchilar bu voqealar shunchaki hazil yoki reklama maqsadida qilingan sahnalar bo‘lishi mumkinligini taxmin qilishmoqda.
Hozirda barcha muxlislar va ijtimoiy tarmoq foydalanuvchilari ushbu voqeaning haqiqatda muhabbatga asoslangan ekanligi yoki navbatdagi kutilmagan syurpriz ekanligi bilan qiziqishmoqda.
