Eminem va Shakira Markaziy Osiyo hududiga turne bilan kelishadi
Dunyo tanigan mashhur amerikalik reper Eminem va kolumbiyalik xonanda Shakira 2026 yilda Markaziy Osiyo hududiga turne bilan tashrif buyurishi kutilmoqda. Bu haqda Zamin.uz xabar berdi.
Xabarlarga ko‘ra, ushbu san’atkorlar Qozog‘istonning Olmaota shahridagi Markaziy stadionda katta konsert berishlari mumkin. Hozirgi vaqtda tadbirning aniq sanalari belgilanmagan bo‘lib, tashkiliy va texnik masalalar ustida ish olib borilmoqda.
Ushbu tadbir nafaqat Qozog‘iston, balki butun mintaqa uchun yirik madaniy voqea bo‘lishi kutilmoqda. Biroq konsertlar o‘tkazilishi rejalashtirilgan stadionda 2026 yilda keng ko‘lamli modernizatsiya ishlari amalga oshirilishi ko‘zda tutilgan.
Xususan, futbol maydoni va yengil atletika yo‘laklari yangilanishi rejalashtirilgan. Ta’mirlash ishlari konsertlardan oldin yoki keyin bajarilishi hali aniq emas, bu esa tadbirning o‘tkazilish muddatiga ta’sir qilishi mumkin.
Shuni ta’kidlash joizki, avvalgilarida ham ushbu stadionda tashkil etilgan yirik xalqaro tadbirlar turli qiyinchiliklar tufayli tanqidlarga uchragan edi. Asosan infratuzilmaning yetishmasligi va tashkiliy kamchiliklar asosiy muammolar sifatida qayd etilgan.
Shu sababli, Eminem va Shakira kabi jahon yulduzlarining chiqishi uchun stadionning tayyorgarlik darajasi va xavfsizlik choralari yuqori darajada bo‘lishi talab etiladi. Hozirda muxlislar ushbu xabarni intizorlik bilan kutib, rasmiy tasdiqlanishini kutyaptilar.
Agar rejalar amalga oshsa, bu Markaziy Osiyo musiqiy olamida yangi bosqichning boshlanishidan dalolat beradi.
