Yura davri bog‘i yulduzi Sem Nill vafot etdi
Dunyoga mashhur Yura davri bogi filmlari orqali tomoshabinlar ko‘nglidan chuqur joy olgan yangi zelandiyalik taniqli aktyor Sem Nill 78 yoshida hayotdan ko‘z yumdi. Bu haqda Zamin.uz xabar berdi.
Bu haqda uning oila azolari rasmiy bayonot berib, san’atkorning vafot etganini tasdiqlashdi. Berilgan malumotlarga ko‘ra, mahoratli aktyor Avstraliyaning Sidney shahrida kutilmaganda olamdan o‘tgan.
Sem Nill qariyb ellik yildan ortiq davom etgan sermazmun ijodiy faoliyati davomida kino ixlosmandlariga bir-biridan qiziqarli va unutilmas obrazlarni taqdim etdi. U, ayniqsa, rejissyor Stiven Spilbergning Yura davri bogi filmidagi doktor Alan Grant roli bilan butun dunyo bo‘ylab millionlab muxlislarning mehrini qozongan edi.
Uning ijrosidagi ushbu qahramon sarguzasht janridagi filmlarning ramziga aylangan desak, mubolaga bo‘lmaydi. Aktyor faqatgina ushbu film bilan cheklanib qolmasdan, Olik sukunat, Qizil oktabr ortidan ov, Pianino, Ufq ortida kabi ko‘plab mashhur va nufuzli kinokartinalarda ham yorqin rollarni ijro etgan.
Uning har bir obrazi o‘ziga xosligi, samimiyligi va yuksak mahorat bilan yaratilgani sababli kino olamida mutaxassislar tomonidan alohida e’tirof etilgan. Sem Nill drama, triller va sarguzasht janrlarida birdek muvaffaqiyatli ijod qilgan kamsonli ijodkorlardan biri edi.
Taniqli aktyorning vafoti munosabati bilan jahon kino sanoati vakillari, uning yaqin hamkasblari va ko‘p sonli muxlislari ijtimoiy tarmoqlar orqali chuqur hamdardlik bildirishmoqda. San’at ahli Sem Nillning jahon kinematografiyasi rivojiga qo‘shgan ulkan hissasini va u qoldirgan boy ijodiy meros kelajak avlodlar uchun ham sevimli bo‘lib qolishini ta’kidlamoqda.
Uning yorqin xotirasi muxlislari va yaqinlari qalbidan munosib o‘rin oladi.
