1 avgust, payshanba kuni O‘zbekistonning ayrim hududlarida ob-havo sharoiti o‘zgaruvchan bo‘ladi. Bu haqida Zamin.uz xabar berdi.
Ba’zi viloyatlarda yomg‘ir yog‘ishi, momaqaldiroq chaqishi, changli shamol esishi va hatto sel-suv toshqini yuz berishi mumkin. Toshkent shahrida ob-havo asosan biroz bulutli, yomg‘ir yog‘maydi.
Shamol sharq yo‘nalishidan 3 dan 8 metrgacha soniyada esadi, kechga tomon esa 12-15 metrgacha kuchayib, chang-to‘zon paydo bo‘lishi ehtimoli bor. Harorat kechasi 22-24 daraja, kunduz kuni esa 34-36 daraja atrofida bo‘ladi.
Qoraqalpog‘iston va Xorazm hududlarida ham ob-havo biroz bulutli, yomg‘ir kutilmaydi. Shamol tezligi 7 dan 12 metrgacha, ba’zi joylarda esa 13-16 metrgacha kuchayadi, changli havo kuzatilishi mumkin.
Harorat kechasi 18-23, kunduz kuni 31-36 daraja atrofida bo‘ladi. Buxoro va Navoiy viloyatlarida ob-havo asosan quyoshli va quruq bo‘ladi.
Shamol 7-12 metrgacha, ba’zi joylarda 13-18 metrgacha kuchayib, chang ko‘tarilishi mumkin. Harorat kechasi 19-24, kunduz kuni esa 33-38 daraja atrofida.
Toshkent viloyati, Sirdaryo, Jizzax va Samarqandda ob-havo biroz bulutli va o‘zgaruvchan bo‘lib, yomg‘ir yog‘maydi. Shamol 7-12 metrgacha, ayrim joylarda esa 13-16 metrgacha kuchayadi.
Harorat kechasi 19-24, kunduz kuni 32-37 daraja atrofida bo‘ladi. Qashqadaryo va Surxondaryo hududlarida havo biroz bulutli va quruq bo‘lib, shamol 7-12 metrgacha esadi, ayrim joylarda 13-16 metrgacha kuchayishi mumkin, chang-to‘zon ham yuz berishi ehtimoli bor.
Harorat kechasi 21-26, kunduz kuni 35-40 daraja atrofida. Andijon, Namangan va Farg‘ona viloyatlarida biroz bulutli ob-havo hukm suradi.
Ba’zi joylarda qisqa muddatli yomg‘ir va momaqaldiroq bo‘lishi mumkin. Shamol 7-12 metrgacha esadi.
Harorat kechasi 19-24, kunduz kuni 32-37 daraja atrofida bo‘ladi. Tog‘li hududlarda yomg‘ir yog‘ishi, momaqaldiroq chaqishi va sel-suv toshqini xavfi mavjud.
Harorat kechasi 13-18, kunduz kuni 23-28 daraja atrofida bo‘ladi. Ushbu ma’lumotlar One.uz saytidan olindi.
