Bugun Toshkent shahrining Yakkasaroy va Sergeli tumanlaridagi ayrim hududlarda ta’mirlash ishlari sababli tabiiy gaz ta’minoti vaqtincha to‘xtatiladi. Bu haqida Zamin.uz xabar berdi.
“Hududgaz Poytaxt” gaz ta’minoti firmasi matbuot xizmati bu haqda ma’lumot berdi. 11-avgust kuni soat 10:00 dan 18:00 gacha Yakkasaroy tumani “Konstitutsiya” mahallasida gaz berish to‘xtatiladi.
Ushbu hududda 8 ta xususiy xonadon, 4 ta ko‘p qavatli uy hamda 6 ta yirik iste’molchi mavjud. Sergeli tumanida esa soat 11:00 dan 16:00 gacha “Sultonobod” mahallasida tabiiy gaz ta’minoti uziladi.
Bu yerda 511 ta xususiy xonadon va 5 ta yirik iste’molchi borligi qayd etilgan. Mutasaddilar ta’mirlash ishlari tugagach, gaz ta’minoti to‘liq tiklanishini bildirdi.
Aholi vaqtinchalik noqulayliklar uchun oldindan ogohlantirilmoqda. Manba: Hududgaz Poytaxt matbuot xizmati.
