O‘zbekiston aholisi 2025 yilda 37,9 millionga yetdi
Milliy statistika qo‘mitasi ma’lumotlariga ko‘ra, 2025 yil 1 iyul holatiga O‘zbekiston aholisi 37,9 million kishini tashkil etdi. Bu haqida Zamin.uz xabar berdi.
Tahlillar shuni ko‘rsatadiki, aholining 56 foizi yoki 21,2 million kishi mehnatga layoqatli yoshda hisoblanadi. Mehnatga layoqatli yoshdan kichiklar soni 12,2 millionni tashkil qilib, bu aholining 32,2 foizini tashkil etadi.
Bu esa kelajakda ishchi kuchining oshishiga imkon yaratadi. Mehnatga layoqatli yoshdan katta bo‘lganlar soni esa 4,5 million, ya’ni 11,8 foiz atrofida.
Mutaxassislar ta’kidicha, ishchi kuchining yuqori ulushi iqtisodiy o‘sish, yangi ish o‘rinlarini yaratish hamda ichki bozorni rivojlantirishda muhim omil hisoblanadi. Shu bilan birga, bunday ahvol infratuzilma va ijtimoiy xizmatlarga qo‘shimcha yuklama olib kelishi mumkin.
Shu sababli davlat va xususiy sektor hamkorligida mehnat bozorini rivojlantirish, kasbiy tayyorgarlik dasturlarini kengaytirish hamda innovatsion texnologiyalarni joriy etish muhimligi ta’kidlanmoqda. Ma’lumot manbai: Milliy statistika qo‘mitasi.
