Kelgusi hafta boshida yurtimizda qanday ob-havo kutilmoqda?
O‘zgidromet 17-19 fevral kunlari kutilayotgan ob-havo bo‘yicha ma’lumotni taqdim etdi. Unga ko‘ra:
Qoraqalpog‘iston Respublikasi va Xorazm viloyatida havo biroz bulutli bo‘ladi, yog‘ingarchilik kutilmaydi. Ayrim joylarga tuman tushishi mumkin. Shamol sharqdan 7-12 m/s tezlikda esadi. Harorat kechasi 17 fevralda -1...-6, 18-19 fevralda -2...+3, kunduzi 17-18 fevralda +6...+11, 19 fevralda +5...+10 daraja bo‘ladi.
Buxoro va Navoiy viloyatlarida havo biroz bulutli bo‘ladi, 17 fevralda yog‘ingarchilik kutilmaydi, 18-19 fevralda ba’zi joylarda yomg‘ir yog‘ishi mumkin. Ayrim joylarga tuman tushishi mumkin. Shamol sharqdan 7-12 m/s tezlikda esadi, 18 fevralda ba’zi joylarda 13-18 m/s gacha kuchayishi mumkin. Harorat 17 fevralda kechasi -2...+3, kunduzi +10...+15, 18 fevralda kechasi 0...+5, kunduzi +8...+13, 19 fevralda kechasi 0...+5, kunduzi +10...+15; Navoiy viloyatining shimolida kechasi 17 fevralda -1...-6, 18-19 fevralda -2...+3, kunduzi 17-18 fevralda +6...+11, 19 fevralda +5...+10 daraja bo‘ladi.
Toshkent, Sirdaryo, Jizzax va Samarqand viloyatlarida havo biroz bulutli bo‘ladi, yog‘ingarchilik kutilmaydi, faqat 19 fevralda Samarqand viloyatida ba’zi joylarda biroz yomg‘ir yog‘adi. Ayrim joylarga tuman tushishi mumkin. Shamol sharqdan 7-12 m/s tezlikda esadi, 18 fevralda ba’zi joylarda 13-18 m/s gacha kuchayishi mumkin. Harorat kechasi 0...+5, kunduzi 17 fevralda +8...+13, 18-19 fevralda +10...+15 daraja bo‘ladi.
Qashqadaryo va Surxondaryo viloyatlarida havo biroz bulutli bo‘ladi, 17 fevralda yog‘ingarchilik kutilmaydi, 18-19 fevralda ba’zi joylarda yomg‘ir yog‘ishi mumkin. Ayrim joylarga tuman tushishi mumkin. Shamol sharqdan 7-12 m/s tezlikda esadi, 18 fevralda ba’zi joylarda 13-18 m/s gacha kuchayishi mumkin. Harorat kechasi +2...+7, kunduzi 17 fevralda +12...+17; 18-19 fevralda +10...+15 daraja bo‘ladi.
Andijon, Namangan va Farg‘ona viloyatlarida havo biroz bulutli bo‘ladi, yog‘ingarchilik kutilmaydi. Ayrim joylarga tuman tushishi mumkin. Shamol sharqdan 5-10 m/s tezlikda esadi. Harorat kechasi 0...+5, kunduzi 17 fevralda +6...+11; 18-19 fevralda +8...+13 daraja bo‘ladi.
Respublikaning tog‘li hududlarida havo biroz bulutli bo‘ladi, 17 fevralda yog‘ingarchilik kutilmaydi, 18-19 fevralda ba’zi joylarda yog‘ingarchilik (yomg‘ir, qor) bo‘ladi. Ayrim joylarga tuman tushishi mumkin. Shamol sharqdan 7-12 m/s tezlikda esadi, ba’zi joylarda 13-18 m/s gacha kuchayishi mumkin. Harorat 17 fevralda kechasi -3...-8, kunduzi -3...+2, 18-19 fevralda kechasi 0...-5, kunduzi +3...+8 daraja bo‘ladi.
